Hafðuþetta

2003-03-24T14:49:00.000Z

Fluttur
Þetta blogg er núna á bragi.klaki.net <---- smellið hér!

Hér fyrir neðan má sjá nýju síðuna:

2003-03-24T13:50:00.000Z

Ritskoðun
Vá greinilega ekki siðugt að andmæla Búss í beinni. sjáið hér ég kemst ekki inn á síðuna hans Michael Moore í dag!

2003-03-23T12:52:00.000Z

Mögnuð lesning
Hún Vala vinkona benti mér á bréf sem Michael Moore sendi Búss við upphaf stríðsins. Þetta er með betri skotum sem hefur verið beint að einæðisherranum í Wossingtun. En á öðrum nótum vil ég hvetja fólk til að faðmast meira. Þetta er iðja sem er vanmetin og hefur í för með sér mikla vellíðan og treystir vináttu.

2003-03-19T20:58:00.000Z

Lesendur eru beðnir velvirðingar. Viðgerðir standa yfir og ætti að ljúka bráðlega.

2003-03-19T16:24:00.000Z

Ég og Áki
Ég hef vegna megnrar andstöðu minnar við stríðsrekstur Bandaríkjamanna ákveðið að mæta ekki á Óskarsverðlaunahátíðina í ár. Þetta geri ég að yfirveguðu máli og hvet aðra sem þangað hafa verið boðnir að gera hið sama. Undirritað Bragi Skaftason

2003-03-18T02:11:00.000Z

48 hours
Núna hefur Saddam fengið 48 tíma frest til að fremja harakiri. Þessi taktík Búss hefur vakið með mér tilfinningar sem ég hef ekki fundið fyrir síðan hetjan okkar allra Chiraq Frakklandsforseti fyrirskipaði kjarnorkutilraunasprengingar á Kyrrahafinu. Ég hef hingað til ekki getað fundið í neinum þjóðarleiðtoga þá traustu manneskju sem hægt er að hugsa til með því trausti og velþóknun sem okkur er nauðsynlegt. Eingöngu er um að ræða vonbrigði og er Búss kannski kóngur vonbrigðanna þó að til hans hafi ég aldrei bundið einhverjar vonir. Harold Pinter komst vel að orði þegar hann sagði að við værum að frelsa íbúa Íraks undan harðstjóra með því að stráfella þá. Ég mun biðja í nótt. Eitthvað sem ég hef aldrei gert áður. Ég er ekki trúaður maður en í kvöld verð ég að vona að til sé eithvað afl í þessum heimi sem getur stöðvað þessa vitleysu, brjálsemi. Ég vona að þið sem þetta lesið getið samsamað ykkur við þjáningar þær sem íraska þjóðin á í vændum og hjálpið til við að grafa undan því ríki sem að þjáningunum stendur. Ég mun gera allt sem í mínu valdi stendur til að sneiða hjá Bandarískum vörum á meðan stríðinu stendur og bið ykkur um að gera hið sama. Við getum lítik áhrif haft á úrvindu þessa stríðs en með samhentu átaki er mögulegt að láta þá vita af óánægju okkar með því að rýra veskin þeirra.
Með von um frið
Bragi Skaftason

2003-03-17T04:58:00.000Z

Mér finnst það bara hreint hneyksli að Bé skuli ekki vera allra fremst í stafrófinu. Þetta er orðið óþolandi að vera alltaf flokkaður með hinu b-fólkinu. Þar sem ég hef hingað til heitað Bragi get ég ekki lengur setið á mér undir þessum A fasisma. Hef ég látið skera upp nafnið og mun ég nú héðan í frá vera kallaður AAAAAABragi til að koma í veg fyrir allan misskilning þá vil ég einnig benda á það að ef einhver reynir að troða sér framar í stafrófið þá hef ég gaman af því að brjóta hnéskeljar............

2003-03-13T16:57:00.000Z

Ætla að fara að klára þetta verkefni svo ég geti byrjað að lifa lífinu eins og eðlilegt fólk. Samt verð ég að játa það að ritstíflur eins og sú sem ég er búinn að lenda í upp á síðkastið eru algerlega manni sjálfum að kenna. Allavegana þá er ég viss um að mér gengur betur með svona Pollíönu attitjútt. GO ME!

2003-03-12T18:14:00.000Z

Ritstífla
Enginn getur skilið þá ritstíflu sem ég er búinn að festa sjálfan mig í. Hvernig er það, eru ekki til einhver námskeið sem díla við svona vandamál. Annars þá hefur maður verið að fylgjast með þessari Baugur hatar Davíð umræðu og mér finnst allir vera löngu búnir að missa sjónar á raunverulega vandamálinu í öllu fjölmiðlafarganinu. Og hvert er hið raunverulega mál? Ég þykist ekkert vera meiri maður en hinir en ég get sagt ykkur eitt. Það skiptir engu máli hver er að segja satt í öllu þessu máli. Sannleikurinn er það afstæður þegar allar sannanir vantar að ef við einblínum á hann á hann eftir að villa okkur sýn. Það sem við þurfum er þekkingarfræðilega úttekt á orðræðunni frá byrjun. GO ME!!

2003-03-03T02:21:00.000Z

Jibbí
Jæja, þá er sigurinn í höfn. Við háskólalistafólk erum búin að fagna okkar árangri og samgleðjast sigurvegurunum og þykja vænt um þá sem eiga um sárt að binda. Þetta er hins vegar bara fyrsta skrefið í átt til aukins lýðræðis í háskólanum. Við vonum svo sannarlega að okkar mál verði tekin alvarlega á fundum í ár og Vaka standi nú við stóru orðin um samstarf í stúdentaráði. Eftir á að hyggja þá líst mér þannig á kosningarnar að Röskva hafi málað sig pínulítið út í horn. Svona rétt eins og VG er að gera í landsmálunum. Þessi góða kosning kom mér reyndar skemmtilega á óvart. Aldrei bjóst ég við að ná inn manni í fyrstu tilraun. Þetta lýsir kannski ástandinu í skólanum. Fólk vill fá fram breytingar. Ég er samt ekki viss um hvaða breytingar. Stundum verður maður að efast um eigin tilgang og vissu. Var fólkið að kjósa Röskvu í burtu? Vill það breytt kerfi? Vill það okkur áfram? Ég held að ég geti svarað seinustu spurningunni af hreinskilni. Við viljum ekki meira en ár. Við viljum sjá þær breytingar sem við boðuðum á þessu ári og draga okkur í hlé. Stundum finnst mér fólk misskilja þessa pólitík. Sérstaklega frambjóðendur. Þetta er ekki spurningin um að vinna eða tapa. Þetta snýst um að vinna að því að bæta umhverfi stúdenta. Við megum ekki gleyma því. Sigur í ár ósigur á morgun. Ef hagsmunum stúdenta er vel borgið þá er mér sama.
Go ME!

2003-02-27T16:55:00.000Z

Útúrsnúningur og vitleysa.
Magnað þegar menn gagnrýna af fáfræði og vitleysu. Nýlega var birt grein á Deiglunni sem innihélt einhverskonar gagnrýni á kosningakerfið sem við Hlistafólk bjuggum til fyrir háskólann. Grundvallarmisskilningur var þarna á ferð og vil ég hér með leiðrétta hann eins fljótt og auðið er. Hugmyndin að þessu kerfi er ekki að búa til eitthvað winner takes it all kerfi heldur til að auka lýðræði og fjölbreytileika Stúdentaráðs. Þegar Pawel segir að númerum í sæti skapi það að undir lokin í fylkingakosningum sem myndu annars fara 1500-1400 myndi annað framboðið fá alla mennina inn en hitt sem tapar engan. Þetta er grundvallarmisskilningur á kerfinu. Númeraröðin er gildishlaðin. Það þýðir að ef maður er settur í fyrsta sæti er í raun verið að verðlauna honum með fimmtán stigum, og svo koll af kolli þar til kemur niður í fimmtánda sætið með eitt stig. Einfalt ekki satt? Ég þoli ekki þegar fólk snýr út úr og lóðsar sér í hag.

2003-02-24T20:25:00.000Z

Elsku Svansson Minn
Svansson er búinn að vera að fara mikinn um Hlistann að undanförnu. Ekki tel ég hann hafa mikið álit á listanum og má hann svo sem hafa sínar skoðanir fyrir sig. Hins vegar að saka mann um að vera búinn að brjóta kosningaloforð áður en kosningarnar hafa verið haldnar er nú soldið gróft. Sérstaklega þegar um rangfærslur er fyrir að fara. Hann minnist á það að við værum á móti stofugangi og ætluðum ekki að stunda slíka vitleysu. Ég segi eins og kóngurinn "hvenær hef ég sagt það? ha hvenær hef ég sagt það?" Þó að við viljum koma umræðunni á annan stað og erum í grunninn á móti þessari truflun á kennslunni þá hefur aldrei neitt komið frá okkur um að við ætluðum ekki að ráðast inn á nemendur með þessum hætti. Hvað símhringingarnar varða ert þú, Hr. Svansson, að ljúga! ¨Skammastu þín, "þú ert bara dóni" Annað gullkorn frá kónginum og besta vini hans. Síðan fer svansson út í það að útleggja hversu mikla vanþekkingu Hlistinn hefur á stúdentapólitíkinni. Þetta finnst mér ekki vera maklegt og vona ég að hann hugsi sig tvisvar um áður en hann fer að messa við vestur Kópavog. En svona í alvöru, getum við ekki spjallað um þetta eins og menn án þess að vera með óstaðfestar sögusagnir og upprópanir. Gerðu það :)

2003-02-20T16:55:00.000Z

Hvernig væri nú að búa til alvöru tímasköpunarvél? Hver á svoleiðis? Mig vantar svona tvær vikur. Einhver? Nei, ekki það nei. Jæja þá, eina viku?

2003-02-13T19:39:00.000Z

Opnun heimasíðu Háskólalistans

Háskólalistinn er búinn að koma sér upp heimasíðu. smelltu á textann til að komast inn á hana. Hún opnar á föstudaginn. Hamingja og gleði. Einnig hefur eins konar stefnuskrá verið dreift í skólanum. Ekkert meira að segja í bili.

2003-02-13T19:31:00.000Z

Hringadróttinsdagbækur
Jæja þið sem hafið gaman af Hringadróttinsögu verðið að kynnast hetjunum ykkar betur. Veit ekki betur en þeir séu flestir búnir að koma sér upp dagbókum á netinu. Gjörið svo vel að skoða. Þetta er ekki beiðni þetta er skipun.

2003-02-10T23:26:00.000Z

Hugleiðing
Heyrst hefur að pólitísk rétthugsun sé að fara með uppstillinganefndir í háskólanum. Á öllum listum eru konur í efstu sætum. Eitthvert muldur hef ég heyrt í hornum háskólans eftir helgina og ekki minnkaði það við könnun Fréttablaðsins í dag þar sem kom fram að Samfylkingin með konu í fararbroddi muni nánast ná hreinum meirihluta á þingi í vor. Er þetta að fara út í öfgar? Erum við að upplifa skautakenninguna þar sem brottnám öfga í eina áttina leiði til tímabundinnar teygni í hina áttina. Eins og þegar beygja þarf á skautum. Skarpar beygjur eru erfiðar og oft ekki mögulegar. Þurfum við samt að gefa konum of mikinn slaka? Leiðir það ekki bara til þess að óhæfar konur komast til valda og áhrifa án þess að hafa til þess hæfni og getu? Eru karlar kannski óhæfir um að dæma um getu og hæfni kvenna? Kannski er kerfið hannað þannig að það henti körlum betur og því erfiðara fyrir konur að koma sér til áhrifa í því vegna mótstöðu í kerfinu. Ég hef oft velt þessari spurningu fyrir mér og ég verð að játa að stundum finnst mér það pirrandi að sjá menn sem eru hæfari til verka þurfa að víkja fyrir konum sem ekki eru vel til verkanna fallnar. Þetta gerist sem betur fer ekki oft og er oftar en ekki dæmi þar sem maðurinn steig niður af sjálfsdáðum til að víkja úr vegi fyrir konunni til að bæta ímynd einhvers, hvort sem það var fyrirtæki eða annað. Hins vegar er ég svo gífurlega fylgjandi hugmyndinni um jöfn tækifæri og valdakenningunni, að þessar tvær hugsanir mynda togstreitu sem ég á erfitt með að leysa úr. Hvernig eigum við að temma okkur af? Er jafnrétti mögulegt án þess að brjóta á rétti þeirra sem höfðu forréttindi fyrir? Er hægt að hugsa slíkt sem brot á réttindum frekar en leiðréttingu á misrétti? Eru þessar skilgreiningar kannski einungis hártoganir sem leiða okkur frá kjarnanum?
Mér finnst gott að sjá allar þessar sterku og öflugu ungu konur standa í fylkingarbrjósti lista sinna. Kvennahandbolti er samt leiðinlegur!

2003-02-07T15:39:00.000Z

Rasismi undir feld
Barnaskapurinn er byrjaður. Skyrslettur Vöku og Röskvu eru hafnar. Eftir málfund Vöku sem bar yfirskriftina „Raunsæi eða rasismi? Eru Íslendingar fordómafullir í garð innflytjenda?“ þá var skrifuð grein á Röskvuvefnum sem ýjaði að því að með því að gefa formanni íslenskra þjóðernissinna tækifæri á að rökræða um málstað sinn hefði Vaka verið að viðurkenna málstaðinn eða að afbaka tjáningarfrelsið. Ekki er hægt að lesa þessa grein því hún var tekin út af Röskvuvefnum stuttu eftir að hún var birt. Afbökun á tjáningarfrelsi og ritskoðun? Dæmið fyrir ykkur sjálf. Ég vil hrósa Vöku fyrir að hafa staðist freistinguna á skítkasti enn sem komið er en ekki er það sama uppi á teningnum hjá Röskvu. Reyndar kemur fram á Deiglunni skrif um málið þar sem ákvörðun Röskvu manna um að taka greinina af vefnum er fagnað en eins og flestir vita er Deiglan höll undir málstað Vöku. Þessu er ég ósammála og tel ég að þetta sé bara hrein og klár sögufölsun. Hægt er að spyrja sig hvort að í greininni hafi komið fram hin sanna afstaða Röskvu í þessu máli og væri gaman að heyra frá þeim þeirra sjónarmið og ástæður þess að greinin skuli hafa verið tekin niður.
Rétta afstaðan frá mínum sjónarhóli hefði verið að styðja framtak Vökumanna og leyfa þessum manni að brenna sig í rökræðu við fólk af hærri caliber en hann sjálfur. Þessi þjóðernishreinsunarstefna þeirra dæmir sig sjálf og er fullfær um að eyða sjálfri sér hjálparlaust.

2003-02-04T17:13:00.000Z

Stimpilgjöld
Mér finnst alveg magnað hvernig Vaka er að reyna að mála Háskólalistann út í horn sem eitthvað Vg afl sem klýfur sig út úr Röskvu. Ekki man ég eftir að hafa nokkurn tíma tekið þátt í neinu starfi Röskvu og í raun hefur það aldrei komið til greina hjá mér þar sem álit mitt er að hugmyndafræði þessara tveggja hópa er þurrausin. Hvað Vg stimpilinn varðar svarar hann sér sjálfur með fjölda Framsóknar- Samfylkingar og Sjálfstæðismanna sem starfa innan Háskólalistans þó ungur sé.
Kannski væri réttara að segja að aðferðafræði hreyfinganna tveggja sé sér í lagi úr sér gengin. Það að berjast á vinstri hægri ásnum fyrir hagsmunamálum stúdenta finnst mér rétt að ákveðnu leyti. En þegar sú barátta kemur niður á stúdentum í sundurleitri stjórn sem varla talast við hundsar stefnumál og tillögur minnihlutans af þeirri einu ástæðu að meirihlutinn er við stjórnvölinn, þá þarf að stokka spilin og gefa upp á nýtt.
Hvað fundinn í gær varðar er ég hæstánægður með hann. Stefnumálin voru vel útskýrð og sé ég að nefndarvinnan hefur farið skynsamlega fram og vinna þeirra sem þær sátu mikil. Ekki að furða þar sem við þurfum að vinna upp tuga ára vinnu fjölda Vöku og Röskvu fólks. Sýnist að við höfum náð langt á tveimur vikum.
Skemmtilegt að sjá tillögur Deiglumanna um forystumann listans. Alltaf gaman að heyra svona dylgjur á Deiglunni. Annars var ég að heyra út undan mér að listakynningin okkar hefði farið fram á Kaffi Nauthól í gærkvöldi. Gaman væri að heyra frá einhverjum sem mætti hvort ég hefði verið nefndur á lista.

2003-02-03T17:14:00.000Z

Jahérna
Er Bush að ná að afsanna gömlu klisjuna um að hægri menn væru hagsýnari en vinstri menn og vice versa? sjáið hér Bíddu við og svo held ég bara að þeir séu byrjaðir að mála rautt "V" á veggi í Washington.

2003-02-03T16:39:00.000Z

Fundur
Stórfundur verður haldinn í kvöld. Þið ykkar sem mikið hafið verið að fylgjast með þessu nýja framboði getið núna tekið þátt í að breyta pólitísku umhverfi háskólans með því að mæta á Kaffi Victor í kvöld klukkan 20:00. Þessi fundur ætti að gefa tóninn af því sem koma skal. Ég hvet menn eins og svansson til að svíkja lit og mæta og gerast stofnfélagi. Alltaf gaman að hafa stefnufasta og rökgóða menn innanborðs. Hann og fleiri hafa einmitt sýnt hópnum áhuga og reynt að klína einhverjum VG stimpli á þetta framboð. Ekkert er betra en að fá menn af hans kalíber þá einfaldlega inn í hópinn þar sem áherslan á einstaklinginn og frelsi hans er einmitt eitt af stóru málunum hjá háskólalistanum. Ekki þessi sovétkommúnismi sem stundaður er hjá Vöku.

2003-01-27T15:48:00.000Z

Upphaf Baráttu

Málefnavinna Háskólalistans er byrjuð af fullum krafti. Ótrúlegt en sagt þá höfum við ekki lent í neinum vandræðum með að safna fólki. Fjöldinn sem mætti á fyrsta fundinn var meira að segja sambærilegur við góðar fjöldasamkomur hjá Röskvu. Þarna var breiður hópur úr öllum deildum með mismunandi lífssýn en allir áttu eitt sameiginlegt. Þetta voru allt háskólanemar. Þeim fannst öllum nóg að sameinast í því. Þetta er það sem ég hef alltaf verið að velta fyrir mér. Hvurs lags stéttavitund, ef ég má nota það hugtak, hafa háskólanemar ef ekki væri fyrir þá staðreynd að þeir séu háskólanemar. Hugmyndin um að Vaka og Röskva séu byggðar upp á mismunandi hugmyndafræði þar sem stóri munurinn er aðferðafræðin er orðin frekar úrelt. Stefnumálin eru frekar einhlýt og virðast flestir vera að stefna að hinu sama. Það að stúdentar eigi að þola sundurþykkju og ósætti vegna mála sem ekki koma háskólanum við er út í hött. Háskólalistinn byrjar sína grunnvinnu á því að vilji nemenda er kannaður og útfrá því er stefnan tekin. Við munum ekki þröngva skoðunum stjórnmálaflokka í landspólitík inn á stúdenta. Slíkt eru stúdentar vel færir um að ákveða sjálfir. Nokkrir hlutir við kosningabaráttuna sem fara í taugarnar á mér. Það fyrsta er stofugangur. Það að frambjóðendur skuli ganga inn í kennslustofur og ónáða kennslu er út í hött. Þetta er óþarfa tímaeyðsla bæði nemenda og kennara. Miklu sniðugra að halda sérfundi innan hverrar deildar. Fjármál fylkinganna. Nú vita ekki margir hvernig Vaka og Röskva eru fjármagnaðar. Væri ekki helvíti athyglisvert að fá að skyggnast í bókhaldið til að ganga úr skugga um hvort stjórnmálaflokkarnir séu nokkuð að múta þeim. Símhringingarnar. Mundu stúdent minn kæri, þegar þeir hringja í þig mundu hver lætur þig í friði.

2003-01-24T13:12:00.000Z

Háskólalistinn
Fyrsti fundur Háskólalistans hefur verið haldinn. Loksins loksins er komið fram á sjónarsviðið hópur fólks sem er ákveðið í að umbylta löngu úreltu kosningakerfi sem háskólinn hefur búið við. Núverandi kosningakerfi gerir ekkert af því sem að til þess ætti að vera ætlast. Það tryggir ekki jafna skiptingu sæta á milli deilda. Það er sama sem ómögulegt fyrir einstakling sem vill berjast fyrir hagsmunum sínum að bjóða sig sjálfan fram því að kerfið er byggt upp fyrir hópa eingöngu. Núverandi kerfi hyglir einnig íhaldsframboðunum tveim Röskvu og Vöku með því að kosið er til tveggja ára í senn. Til þess að losa um grágrýtislegan tón stúdentaráðs hafa þrír hópar sem upprunalega ætluðu að bjóða sig fram dreift séð sér fært um að sameinast. Við bjóðum fram stóra breiðfylkingu hugsjónafólks sem ekki lætur það trufla sig hvar háskólanemar setja x á landsvísu.
Fyrir marga er stúdentapólitíkin spaug sem hefur staðið í of langan tíma. Nú er komið nóg af stuttbuxnaerjum og sóleyjarbrölti. Hagsmunir stúdenta eru of mikilvægir til að leyfa þessum tveim klíkum að leika sér með þá eins og legókubba. Stúdentar hugsa um stúdentastjórnmál sem baráttu milli Sjálfstæðisflokks og Samfylkingar. Það gengur ekki mikið lengur, þ.e. ef við ætlum að ná einhverjum árangri í baráttunni fyrir betri námslánum, fjölbreyttara námi og öllum þeim fjölmörgu atriðum sem stjórn stúdenta er kosin til að berjast fyrir. Við, stúdentar höfum þuft að sætta okkur við xxx. Ekki mikið lengur.

2003-01-23T09:04:00.000Z

Þegar glampinn gýtur

Tölvur framkalla glampa í augum manna. Glampinn er oft glær en nær þó stundum því takmarki sínu að kristallast í gluggalaga form. Sérstaklega kemur þetta fram í teiknuðum myndum fimm ára barna og myndlistarkennara. Þetta eru þó alls ekki þau einkenni sem eru hvað eindregnust við tölvunotkun. Oft tala menn um að augun þeirra séu kassalaga. Ég held samt að þeir séu að tala um sjónvarpsgláp. Aldrei heyri ég konur tala um slíkt. Kannski vita þær upp á sig skömmina. Tölvur eru notaðar mikið af fólki sem enn hefur hendur sér til hagræðis. Þess vegna kann mann að undra að tölvur eru jafnvel meira notaðar af þeim sem ekki hafa þann lúxus að geta hamrað á lyklaborð með eitilhörðum fingurgómum. Oft hef ég séð fréttamyndir af fólki sem hamast í gríð og erg við að stjórna tölvunni sinni með hökunni og sumir jafnvel með tungunni. Blint fólk nýtir sér jafnvel tölvutæknina en ég hef samt ákveðnar efasemdir um að þeirra tölvunotkun sé myndræn, hún hlýtur að vera táknræn. Glampinn sem ég minntist á fyrr er oft framkallaður af tölvuskjánum. Hins vegar með tilkomu nýtísku fíltera þá átti þetta vandkvæði að vera horfið en samt viðheldur glampinn sér. Sumir vilja meina að glampinn sé ímyndun þess er horfir. Ég vil halda því fram að glampinn sé guð.

2003-01-16T09:37:00.000Z

Smásaga í örstuttu máli.

Litli maðurinn sat. Í hægðum sínum. Frekar ógeðslegt. Enda hann búinn til úr velúr. Þetta er náttúrulega rugl. Tuskudúkkur hafa ekki hægðir. Hann reis upp. Gólfið nötraði. Ekki af sjálfu sér. Gólf gera ekki svoleiðis. Stóllinn vaggaði. Rugguró. Loftið var lævi þrungið. Þarf að mála loftið? Allir voru kátir en herbergið var tómt. Litli maðurinn gafst upp. Hann snéri upp á sig. Tvo hringi. Datt svo niður lúgu. Sum herbergi hafa lúgur. Þessi var í veggnum. Hann datt til hliðar niður. Þar hitti hann Viðar hlið. Hliðar eru ekki oft nefndar. Þessi hlið hét Viðar. Hún hélt sig til hliðar. Um sinn.

2003-01-13T11:14:00.000Z

Kraftur eftir fríið.

Búinn að taka mér smá frí til íhugunar og veikinda. Ekkert er betra til afslöppunar og endurnæringar og jólin. Eða svo hélt ég. Eftir hvorki fleiri né færri en átta fjölskylduboð um jólin og áramótin ákvað ég að reyna að hjúpa mig inni í íbúðinni minni með vídjó og nammi og konuna mína sem var nýkomin heim frá útlöndum. En því miður fyrir mig virtist hún vera á öðru máli og um leið og við vorum búin að vera góð við hvort annað þá var hún komin í málningarhugleiðingar. Hvað geri ég ekki fyrir þessa elsku og skokkuðum við svo í Byko og keyptum hvítt hvíta málningu. Litblindi ég vissi ekki að það eru víst til í kringum fimmtíu tegundir af hvítlitum í Byko. Við máluðum íbúðina á miðvikudaginn, allt nema svefnherbergið en þetta hefur eflaust verið of mikil áreynsla fyrir mig, dauðþreyttan manninn eftir ofát og jólastress. Ég lagðist í rúmið með hita um kvöldið og vaknaði veikur daginn eftir. Ég held að ég hafi aldrei verið jafn ánægður með það að veikjast. Algjör endurnæring og hvíld í fjóra daga. Byrjaði í skólanum í dag og hlakka til að takast á við verkefni haustsins eilífa á landi klaka og klepra. Hef verið í miklum íhugunum varðandi pólitík og er að sjá að löngun mín er í þá áttina að vinna að stjórnarskiptum á landinu. Er í raun orðinn töluvert afhuga öllum stúdentapólitíkurpælingum. Allavegana hvað varðar sérframboð. Langar til að beina krafti í meiri hagsmuni mína en minni, þar sem ég mun ekki taka lán það sem eftir er námsferils míns í HÍ. Sjálfselska? Nei hvernig er það aftur, "practice what you preach". Með því að predikera það að stúdentapólitík sé hagsmunabarátta þá verður maður líklega að hafa ríkra hagsmuna að gæta ef þeirra á að berjast fyrir, ekki satt? Einhver comment? Er ég að hænsnast út? Á ég að ganga til liðs við annaðhvort aflið og berjast á þeim vettvangi? Hvað skal gera? Marinerum hugann í smá stund og komum fram með lausn á vandanum, en á meðan þá vil ég biðja ykkur um að veita mér liðsinni og skýra afstöðu ykkar til þessarra mála.

2002-12-29T20:49:00.000Z

Húrra fyrir Ingibjörgu
Var framsóknarbatteríið á leiðinni að útiloka sig frá kosningu í borginni? Ég vil meina að útspil þeirra hafi haft veruleg áhrif á hvernig gengi þeirra verður í næstu kosningum. Fléttan hjá Ingibjörgu var aðdáunarverð og sýndi enn á ný hvers hún er megnug. Hr. Tal af öllum, sem næsti borgarstjóri. Maður sem er óumdeilanlega snjall frumkvöðull og næs gæji með vinalegt andlit. Ég hef samt áhyggjur af hfun borgarinnar. Framkvæmdastjóri Reykjavíkur. Fæ bara hroll niður bakið þegar ég hugsa um Reykjavík corp. framtíðarinnar. Eða hvað er grýlan upphafin eða ei?

2002-12-23T20:48:00.000Z

Áfram Ingibjörg!
Loksins varð draumurinn að veruleika. Sterkasti og skynsamasti stjórnmálamaður landsins á leiðinni aftur á Alþingi. Þessi umræða um að hún eigi ekki að sitja sem borgarstjóri á meðan er kjaftæði. Bull og vitleysa. Illa rökstutt kjaftæði sem ég ætla að láta vera að hrekja vegna þess að umræða sem sköpuð er af hræðslu er ávallt einskis nýt í besta falli og til sundrungar og skaða í versta falli. Framsóknarmenn ættu að skammast sín fyrir þessa endemis vitleysu. Mér finnst það skrítið að sá flokkur sem hefur mest um það að segja hvernig landinu er stjórnað skuli ekki sætta sig við það að borgarstjóri næli sér í hlutastarf í smá tíma. Ekkert sögðu þeir um Gunnar I Birgisson og Björn Bjarnason. Ég vona það og bið um þá jólagjöf að fá fyrsta kvenkyns forsætisráðherra á Íslandi.
Annars er ég að komast í jólaskap og sit núna heima hjá Zato nýbúinn að borða pasta og drekka smá jólaöl. Var að velta því fyrir mér hvort ekki væri hægt að skapa preststörf sem ekki væru tengd trú manna. Menn og konur sem sjá um athafnir sem varða skírn, manndómsvígslu, giftingar og jarðarfarir. Algerlega án tilvísunar til guðs eða jahve, krishnu og Búdda. Félagsráðgjafi hátíðleikans. Nafngift óskast á Stéttina. Ég býð ljósið velkomið og mun því borða góðan mat og opna pakka. Gleðisleg jól og veriði södd og ánægð um jólin.

2002-12-20T12:38:00.000Z

Jafnrétti
Mér virðast karlmenn í dag ekki gera sér grein fyrir því að konur eiga ennþá langt í land hvað varðar að standa jafnfætis þeim hvað atvinnu og annað því tengt varðar. Einnig held ég að það sé mikill misskilningur um hvernig aðferðafræði nútíma feminista er í verki. Konur eru einfaldlega byrjaðar að nýta sér vald sitt til að jafna út möguleika og þetta fer í taugarnar á karlmönnum. Ástæðan fyrir þessu er einföld. Þó að samfélagið líti á okkur kynblint þ.e. líti ekki á kyn okkar þegar sótt er um vinnu etc. Þá hefur samt ákveðin þróun orðið á þeim þúsundum ára sem að karlmenn hafa ráðið vinnumarkaðnum sem að skilgreinir störf útfrá þörfum og eiginleikum karla. Einnig er það svo að konur sjá ennþá um börnin okkar að miklum meirihluta tilvika og slíkt er hægt að líta á sem ókost þegar konur eru ráðnar í vinnu. Þetta eru aðallega hlutirnir sem konur eru að reyna að jafna út. Eina augljósa leiðin er með lagasetningu og valdbeitingu. Þá erum við ekki að tala um einhver handalögmál heldur beiting laga og réttinda. Mér finnst einfaldlega óþolandi þetta skilningsleysi okkar karlmanna á aðstæðum kvenna. Um leið og upp kemur einhver umræða í þjóðfélaginu um að konur hafi náð árangri í þeirra baráttu þá eru þær sallaðar niður.

2002-12-19T14:30:00.000Z

Svar við Tjaldri
Ég var að enda við að lesa andsvar við Stúdentagreininni minni á Tjaldrinum. Þar segist hann vera gjörsamlega ósammála mér og tekur upp hanskann fyrir Röskvu. Ekkert minntist hann á Vöku og get ég ekki lesið annað út úr svari hans að hann hafi ekkert verið algerlega ósammála mér. Ekkert bendir til þess að Vökuliðar þori og geti hrist Sjálfstæðisflokksstimpilinn af sér. Hvað varðar hina þætti greinarinnar kom tjaldur inn á mörg mál sem ég verð að vera sammála að hafa vigt og skipta máli. Hins vegar er líkt og þarna hafi verið um ákall um skráningu að ræða. Ég er sammála því að Röskva hefur verið dugleg við að þrífa af sér flokksorðið en almannarómur lýgur sjaldnar en stjórnmálamenn og verð ég því að vera sammála honum. Virkni annara en Samfylkingarmanna hefur verið svo að segja ómælanleg í Röskvu undafarin ár. Eflaust er hægt að nefna einhver góð dæmi en þrátt fyrir þau ler líklegt að 95% af þeim er virkir eru í Röskvu í dag munu setja x við S í komandi kosningum. Þetta get ég játað, mætti skýrast með því að benda á að öllum er frjálst að mæta og taka þátt í starfinu. En málið er bara það að þegar stór hópur hefur rottað sig saman og siglir undir einu flaggi er erfitt fyrir aðra að komast að.

2002-12-19T01:17:00.000Z

Byrjum ballið

Í stúdentablaðinu var skrifuð grein um mögulegan klofning innan Röskvu. Þessum klofning var klínt á Vinstri Græna sem að sjálfsögðu verandi á móti öllu hlutu að vera á móti samstarfi á vettvangi stúdentapólitíkur. Enn komum við að gamalkunnum punkti sem ég reyndi að minnast á hér um daginn. Flokkslínur úti í samfélaginu verða að hverfa þegar hugsað er um hagsmuni stúdenta. Þessi liðsmaður Vöku virðist vera þeirrar skoðunar að flokkspólitík og stúdentapólitík eigi að haldast í hendur. Ég fordæmi slíkar hugmyndir, sem illa ígrunduðum og hreint út sagt gegn öllum hugsanlegum hagsmunum stúdenta. Ekki er ég staddur á neinni skýrri línu í stjórnmálum í dag og á í raun erfitt með að staðsetja mig í flokk. Mér finnst forsjárhyggjan of rík hjá VG og mér finnst of rík áhersla lögð á Evrópumálin hjá Samfylkingunni. Sjálfstæðisflokkurinn kemur ekki til greina vegna djúpstæðrar hugmyndafræðilegrar gjár sem ég þyrfti að komast yfir til að selja sál mína. Framsókn og Frjálslyndir eru síðan of snauðir af hugmyndum og hugsjón að mér myndi finnast ég staddur í holu fjalli. Er þetta vandi fyrir stúdent sem vill taka þátt í starfi til framgangs hagsmuna sinna? Það er óneitanlega erfitt fyrir þann sem ekki er tilbúinn að setja sig í flokk að taka þátt í stúdentapólitík eins og hún er háð í dag. Sama hvað Vökumenn segja; Þið eruð í samkrulli með Sjálfstæðisflokknum. Ekki halda áfram að ljúga að okkur. Röskva er engu skárri nema hvað línurnar eru óskýrari þar. Einhverjir VG menn eru þar eftir en ég á t.d. erfitt með að sjá fyrir mér Framsóknarmenn kjósa annan hvorn þessara lista. Á röskvuvefnum er að finna gagnrýni á greinina sem skrifuð var í Stúdentablaðið. Ég er sammála flestu því sem þar segir. Ritstjóri Stúdentablaðsins er greinilega ekki hlutlaus og sýnir lélega fréttamennsku með því að hafa ekki fengið þennan orðróm staðfestan. Ég lái honum ekki fyrir að vera ekki hlutlaus enda hlutverk hans sem Vökuráðinn ritstjóra að vera varðhundur flokksins. Röskvuliðar eru alveg jafnsekir um þetta á langri valdatíð sinni. Hins vegar hefði hann alveg getað talað við mig eða hina sem erum að hugsa alvarlega um framboð þriðja valkostsins. Ég get alveg sagt honum það núna að ef eitthvað verður gert á þá leið að bjóða fram sér verður það ekki sem eitthvað klofningsframboð frá Röskvu heldur eitthvað sem verður sjálfstætt og óbundið flokkshagsmunum. Það er mjög líklegt að þetta framboð verði að veruleika og ekki held ég að það muni vera minni ógnun við Vöku en við Röskvu. Á miðað við athyglina sem fyrri greinin mín fékk og þann fjölda tölvupósts sem barst ákvað ég að setja upp commentakerfi og býð ég síðuna mína fram sem útgangspunkt fyrir góða og heilbrigða umræðu um málefni sem skipta stúdenta máli.

2002-12-18T19:00:00.000Z

Nú er ég kominn með nýtt lúkk og nýtt commentakerfi og vil ég þakka honum Jósa fyrir það. Nú geta vinveitt öfl og önnur varpað fram skoðunum sínum á þessu bloggi. Zato vil ég þakka sérstaklega fyrir að hafa fundið þetta einkar smekklega lúkk.

2002-12-18T14:49:00.000Z

Í kjölfarið á stúdentablogginu mínu er ég búinn að fá töluverð viðbrögð og er ánægður að sjá að ekki láta allir stúdentar sér fátt um finnast hvað varðar hagsmuni sína. Ég ætla að drífa mig og setja upp commentakerfi hér á síðunni þannig að hægt verður að hafa alvöru rökræður um hvað gera skal. Búinn í bili.

2002-12-10T02:59:00.000Z

Stúdentar heyrið!

Í Háskóla Íslands er rotnandi epli. Þetta epli heitir stúdentapólitík. Stjórnkerfi nemenda er stjórnað af tveimur öflum sem Vaka og Röskva heita. Röskva hefur haldið um stjórnvölinn undanfarinn áratug en nú hefur Vaka komið sér í drottnunarhlutverk. Vaka þessi er á margan hátt ágætis félagasamtök. Innan Vöku eru mætir menn og mætar konur sem öll eiga sér draum. Sama má segja um Röskvu. Þarna eru greinilega á ferðinni tvö félög hugsjónamanna og kvenna sem berjast hatrammlega, en drengilega þó, um völd í stúdentaráði. Vandamálið er bara að draumurinn þeirra er kominn á villigötur. Hann hefur ráfað um dimma dali í lengri tíma og erfitt er að sjá að réttmætir eigendur hans séu hans leitandi. Og kannski er það einmitt vandamálið. Ungu stríðsgarparnir og valkyrjurnar sem eiga að berjast fyrir hagsmunum okkar stúdenta í ráðinu, gagnvart háskólanum og stjórnvöldum hafa misst sjónar á hinum rétta draum. Hinn rangi draumur hefur hreiðrað um sig í hjarta þeirra er minnst mega sín og eitrað huga og sál. Frami í ungliðahreyfingum stjórnmálaflokkanna! Heyr Heimdallur, heyr FUJ og heyri þeir er málið kunna að varða hvað þér hafið gjört okkur. Tengslin milli Sjálfstæðisflokksins og Vöku dyljast engum og virðist það vera sjálfvirkur sleppibúnaður sem hendir formönnum Vöku frá Hringbraut upp í Valhöll í sæti Heimdallarformanns og SUS stjórnina. Sama hefur verið uppi á teningnum að undanförnu hjá Röskvu. Þetta félag sem virtist vera ágætlega skipt á milli stjórnandstöðuflokkanna núverandi og Framsóknar virðist vera komið í fast slagtog með Samfylkingunni einvörðungu. Hvar endar þetta?
Ákveðnar ástæður eru fyrir því að stúdentar kjósa í stúdentaráð og háskólaráð. Ákveðnar forsendur eru fyrir því að stúdentum fannst ástæða til þess að bindast samtökum og mynda sameiginlegt ráð. Nefnilega að vernda og berjast fyrir hagsmunum og bættum kjörum nemenda. Það að vera talsmenn nemenda í eilífri baráttu fyrir sómasamlegum námslánum og bættri náms- og kennsluaðstöðu. Að hafa puttana í stúdentagörðum og leikskólum sem börn nemenda sækja. Sjá um að hægt sé að fá sér sómasamlega máltíð í skólanum. Fleiri hluti er hægt að nefna en við hljótum öll að sjá hversu gífurlega mikilvægt það er fyrir stúdenta að eiga sterka og góða baráttumenn og konur að í Stúdentaráði. Þá komum við að gagnrýni minni á núverandi fyrirkomulag. Að gefnum þeim sterku tengslum við fyrrnefnda stjórnmálaflokka, er hægt að hugsa sér þann möguleika að þeir sem vinna undir nafni þessara samtaka séu ekki að eingöngu vinna að hagsmunum stúdenta. Tengslin eru augljós og er í raun ástæðulaust fyrir mig að tilgreina hér með upptalningu hver fylgnin er við starfi í Röskvu og Vöku og framapoti í fyrrnefndum stjórnmálaflokkum, en hún er gríðarleg. Forsendur þess að vera í stúdentaráði og taka þátt í pólitík eiga eingöngu að vera þær er varða hagsmuni stúdenta. Við eigum að geta litið á þau sem okkar hagsmuni gæta sem traust og óbundin öðrum aðiljum sem annars konar hagmuni hafa sem gætu gengið beint gegn hagsmunum stúdenta. Slík er raunin í þessu tilfelli. Stúdentar geta ekki mikið lengur treyst þeim samtökum er nú sitja um stúdentaráð. Nýtt afl verður að koma fram. Afl sem hefur þá getu og þann vilja til að berjast af öllu afli fyrir réttindamálum og öllu því sem stúdentum er í hag.
Svar óskast.

2002-12-09T06:30:00.000Z

Herra minn... já og frú.
Í dag er mánudagur og lítur út fyrir að verða góður dagur. Mánudagur er því ekki á leiðinni að verða jafn leiðinlegur dagur og sunnudagur var, en hann var ekki dagur til að hrópa húrra fyrir. Sunnudagar eiga það nefnilega til að verða frekar einhæfir og mollukenndir. Enginn nennir að elda almennilegan mat, fólk fer ekki í fötin heldur gengur um í sloppnum þar til sólin sest og sér þá ekki ástæðu til að klæða sig. Þó er eitt einkenni sunnudaga það að fjölskylduboð virðast eiga sunnudaginn frátekinn. Þetta virðist ekki vera tilviljun, ef litið er á þann fjölda fjölskylduboða sem farið er í, er hægt að sjá að eflaust yfir helmingur af þeim hafa verið haldin á sunnudögum. Sumum finnst gaman í fjölskylduboðum. Ég þekkti einu sinni strák sem elskaði fjölskylduboð. Mjög sjaldan voru fjölskylduboð í hans fjölskyldu. Alltaf þegar ekkert fjölskylduboð var í hans fjölskyldu á sunnudegi, þá hringdi hann í alla vini sína og kannaði hvar boðin væru. Hann fór síðan á staðina einn eftir annan og bað um að fá að leika við vin sinn. Ef foreldrarnir sögðu að vinurinn væri upptekinn í fjölskylduboði þá gerðist hann ennþá ágengari og fór stundum hús úr húsi til að leita að boði sem var tilbúið að hleypa honum inn. Ég velti því oft fyrir mér hvað það var sem dró hann að fjölskylduboðum. Var það hlýja og góðmennska ömmunar og afans. Var það glettin stríðni föðurbróðursins. Kannski líkaði honum og fannst gaman að sjá hvað fólkinu sem átti bágt var vel tekið í fjölskylduboðum. Feita stelpan með bólurnar naut jafnmikillar ástar í fjölskylduboði og frænka hennar sem söng í léttmjólkurauglýsingunni. Þær léku sér á jafningjagrundvelli í fjölskylduboðinu. Ég var forvitinn um það og ákvað að spyrja hann. Svarið var í raun loðið og hefði ég verið eldri hefði ég búist við þesskonar svari. Ástæðan var nefnilega sú að pabbi hans var venjulegast ekki kominn heim á sunnudögum. Ég vissi ekki að pabbi hans væri að vinna svona skrítna vinnu sem héldi honum alltaf frá því að halda fjölskylduboð á sunnudögum. Ég þekkti strákinn hvort sem er ekkert það mikið að ég vissi hvað pabbi hans var að vinna við. Mér var í rauninni alveg sama. Alltaf eftir þetta þá bauð ég honum í boðin heima hjá okkur. Við lékum okkur saman og mér fannst hann vera skemmtilegur leikfélagi. Hann hló á svo sérstakann hátt. Alveg eins og slanga. Hiss hiss hiss hló hann. Honum þótti ósköp vænt um að fá að koma í boðin heim til mín og ég var í raun feginn að fá leikfélaga. Mér þykja nefnilega fjölskylduboð ekkert skemmtileg. Ég þurfti alltaf að klæða mig í betri fötin og haga mér eins og ég vissi að fólk hagaði sér ekki neitt. Tala öðruvísi og hreyfa sig öðruvísi. Standa í röð þegar maturinn og kökurnar eru framreiddar. Iss, hvað halda menn að maður nenni þessu. En strákurinn virtist elska það. Þá meina ég líka elska að bíða aftast í röðinni og hleypa eldra fólki fram fyrir sig, sem þakkaði fyrir sig með orðunum, ,,mikið er hann kurteis, þessi elska, ja svei ef allir litlir strákar væru eins og þú". Hann elskaði að segja þakka þér í staðinn fyrir takk og hafið þér góðan dag í staðinn fyrir bless. Eftir að hann hafði farið í töluvert margar veislur heima hjá mér og við vorum orðnir mjög góðir vinir þá hringir hann einn daginn í mig. Hann sagðist ekki geta komið í fleiri fjölskylduboð, hann væri að flytja út á land og hann myndi örugglega hafa samband þaðan sem hann væri að fara. Þetta var það seinasta sem ég heyrði frá þessum strák þangað til fyrir tveimur árum. Þá birtist mynd af föður hans í dánarfregnum Morgunblaðsins. Ég ákvað að reyna að hafa upp á stráknum sem átt hafði með mér svo margar góðar stundir. Ég fann hann í fangelsi. Hann drap pabba sinn. Pabbi hans hafði aldrei verið í vinnu.

Þessi saga er ekki sönn. Hins vegar eru atburðir æsku oft skýrari og réttari löngu eftir að þeir hafa verið upplifðir. Suma hluti hafa foreldrar ykkar haldið frá ykkur til að hlífa ykkur og sumt áttuðuð þið ykkur ekki á fyrr en eftir lengri tíma. Er barnæskan tími sakleysis eða barnslegrar fávisku?

2002-12-06T23:10:00.000Z

Ég er búinn að blogga í nokkur skipti síðan síðasta blogg kom á skjáinn en eitthvað faul í kerfinu hefur gert það að verkum að öll mín skrif eru fyrir bí. Nú auglýsi ég síðuna mína sem verður sett upp eftir nokkrar vikur á slóðinni www.hafduthetta.com mun hún verða ykkur til mikillar ánægju. Einnig vil ég benda ykkur á að sögugarpurinn hann Níels er við það að setja upp söguvef!!! Hamingja :)

2002-10-23T00:29:00.000Z

Jæja búinn að vera í fríi frá öllu bloggi í smá tíma en nú er kominn tími til þess að nöldra og lemja á vanga. Að undanförnu er búin að vera í gangi umræða um valdagræðgi og valdaþreytu Davíðs Oddsonar. Ég hef ekki nema eitt að segja. Þetta eru ekki rök fyrir vondri stjórn. Þetta getur aldrei verið annað en túlkun á aðgerðum og stíl foringjans. Foringinn er hins vegar, og ég ætla ekkert að verja það, búinn að vera að láta í ljós ákveðin merki þess að ekki er hann í sínu besta stuði til að takast á við veturinn. Öll viðtöl sem við hann eru tekin eru í raun tekin að hans frumkvæði og er eins og hann leyfi eða leyfi ekki spurningarnar fyrirfram. Þetta átti samt ekki að fjalla um Davíð Oddson. Það sem raunverulega er að naga mig þessa dagana er heilbrigðiskerfið. Eftir stórgóðan fund hjá ungum vinstri grænum um velferðarkerfið síðasta miðvikudag, byrjuðu nokkrir punktar að ásækja minn annars lærdómsþjáða huga. Er traust okkar á kerfinu orðið að engu. Og afhverju er traust okkar byrjað að minnka. Við sækjumst í sjúkdómatryggingar hjá einkafyrirtækjum vegna þess að við treystum ekki heilbrigðiskerfinu til þess að takast á við þann vanda sem erfiðir sjúkdómar valda. Líftryggingar eru líka annar hlutur sem ég er ekki tilbúinn að fallast á að eigi að vera nauðsynlegur baggi. Ekki eru allir jafntryggingavænlegir heldur því að tryggingafyrirtækin þurfa að græða og ef það eru líkur á því að þú fáir hættulegan sjúkdóm færðu ekki tyrgginguna sem þú baðst um. Ég ætla að vera stuttorður núna og minnast einungis á þetta sem hlut til umhugsunar. Ég ætla að setjast niður í vikunni og kryfja málið þannig að ég lofa langri grein um þetta málefni í lok vikunnar.
Annars er það að segja að það er gott að vera kominn aftur.
Góðar stundir

2002-09-30T09:35:00.000Z

Kosningavetur genginn í garð og allir litlu stjórnmálaleiðtogarnir sloppnir úr fjósinu. Það var gaman að sjá líf í Davíð í Kastljósi þó að einhver hefði kannski þurft að redda honum smá Heimlich taki. Um tíma virtist sem svo að hann hefði gleypt bindið sitt og andlitið varð rauðara og rauðara með hverri sekúndunni. Ég hef aldrei getað áttað mig almennilega á því að Íslendingar geti þolað það að vera stjórnað af manni eins og Davíð. Þjóð sem er nýgengin úr greipum konungsveldisins Danmerkur. Kannski söknum við í undirmeðvitundinni þess að bugta okkur og beygja fyrir yfirvaldinu og vald þess fengið í umboðssölu Guðs Pósthússtræti 3 101 Rvík. við hliðina á gráa steinhúsinu með skyrslettunum utan á.
Annað mál sem var vakið af óþörfum svefni um helgina var aðbúnaður geðsjúkra á Íslandi, eða réttara sagt skortur á aðbúnaði. Svo virðist sem að eftir að lögin um réttargeðdeildina á Sogni voru sett hafi Íslenskt þjóðfélag afskrifað geðsjúka sem vandamál. Sigursteinn minntist á að um fimmtíu manns sem ættu við geðræn vandamál að stríða væru mælandi göturnar án þess að eiga í nein hús að venda. Nú legg ég það ekki í vana minn að taka allt sem ég heyri og sé í imbanum trúanlegt en fyrir mér er þessi tala jafnvel of lág. Ég lifi og hrærist í miðbænum og hef gert það undanfarin níu ár. Ár eftir ár hefur bæst við þá ógæfumenn sem um bæinn rölta í reiðuleysi og fátækt. Þetta eru ekki neinar getgátur, þetta fæ ég úr minni eigin reynslu. Oft hef ég þurft að hlusta á harmakvein þessarra manna og kvenna og þykir mér illt til þess að hugsa að ekki séu til nein úrræði handa þessu fólki. Ég hef séð þetta fólk lifa og deyja fyrir framan nefið á mér. Líf þeirra var hryllingur, ég heyrði þau gráta og heyri enn. Mér líður illa bara við það að skrifa þessa grein. Samúð mín gagnvart þessu fólki er mikil en reiði mín gagnvart stjórnvöldum er enn meiri. Ég get ekkert um þau skrifað í sambandi við þetta mál. Reiði mín er of mikil. Eitt að segja. Davíð, lífið á ekki að vera fangelsi hugans sem dauðinn kemur og opnar.

2002-09-24T00:25:00.000Z

Misheppnuð pikkupplína bókmenntafræðings.
"Ef að litlir drengir hefðu jafnmikinn áhuga á bókmenntum og morðum þá væri ásókn í
bókmenntafræðina jafnmikil og í viðskiptafræði. En Playstation er því miður þeirra
guð en ekki Dostojefskíj og þarafleiðandi ómögulegt að spá fyrir um verðhjöðnun á
bókum í nánustu framtíð." Stúlkan rétti honum pokann með skelfingarsvip og sagði það
verða átta þúsund og þrjúhundruð. Hann rétti henni kortið tregur og hún renndi því í
gegn. "Assakið þetterekki alvörukort þetterbara bókasabbnskort." "Ó fyrirgefðu sagði
hann ég ruglaðist, hérna." "Helduru að ég sé eitthvað fíbbl" sagði hún og renndi kortinu
um raufina. Hann svaraði ekki, krotaði undir eitthvað sem virtist vera mynd af
hjartalínuriti deyjandi manns og dreif sig út.

Af hverju hugsa

2002-09-16T14:20:00.000Z

Þá hefur fyrsta ritgerð haustsins verið prentuð út. Þetta var svona Sókrates 2 útprentun. Fann fyrir voða miklu déjá vúi þegar ég náði í hana í prentarann. Einn af áföngunum sem ég varð að gefa upp á bátinn í fyrrahaust vegna veikinda. Hvað hefur gerst meira... jú fyrsta einkavæðingarhneyksli haustsins kastaði sér í fangið á einræðisherra ísals. Og flautuþyrillinn meira að segja besti vinur Geira H. Glottið á einhverjum hlýtur að hafa minnkað um nokkra dálksentimetra eftir að hafa smælað allt sumarið yfir óförum Bjössa Bollu. Þrátt fyrir allt er lítið að gerast í ólátagarði. Allir eru uppteknir við að halda blaðamannafundi um möguleg og ómöguleg, kannski framboð sín. Sóla hefur ákveðið að kannski bara fara eftir loforðum sínum í vor en þó ekki alveg gera ekki tveir mínusar plús? Þá hljóta tveir plúsar að gefa mínus. Næst:Skiljanlegt málfar og ekkert líkindamál. Súru ritgerðasmíð sjóða haus.

2002-09-11T21:36:00.000Z

Búinn að vera í fríi nógu lengi frá blogginu og varð að krota eitthvað á þjóðhátíðardag al Qaeda. Svona þá er það komið enda ég allt of upptekinn við lestur á Locke til að koma með eitthvað gáfulegt...

2002-08-29T11:20:00.000Z

Hálendið mitt.
Mér finnst ég ekki þurfa að rökstyðja málstað minn. Mér finnst það bara sjálfsagt að ég megi reyna með öllum ráðum að ættjörð minni sé ekki sökkt. Þið sem haldið öðru fram eruð fífl.

2002-08-26T13:47:00.000Z

Ég er orðlaus

2002-08-24T02:41:00.000Z

Bara að pæla
Núna eru allir vinir mínir annaðhvort fullir að reyna að fá sér að ríða, eða þá að þeir séu að ríða. Mikið er lífið einfalt stundum. Er ennþá veikur og finnst þetta bara ágætt. Maður fær að borða fullt af nammi, glápa á vídjó og snýta sér. Er smám saman að átta mig á því að ég get eiginlega ekki verið í skóla og unnið ekkert með og það fer soldið í taugarnar á mér. En ég held að ég hafi fundið lausnina. Ég ætla bara að byrja að bera út fréttablaðið. Búinn að bæta nokkrum kílóum í kút og þarf að ganga það af mér. Er að skrifa fínan pistil um nektarstaði... eða ég vona að hann verði fínn. Skrýtið að í dag sé það orðið að þráhyggju að vera tala um atburði síðustu viku. Ég held að ég sé kannski einum of gamaldags.

2002-08-23T02:56:00.000Z

Óður til millistjórnanda
Mér finnst sænsk-líbanskir kvikmyndagerðamenn æðislegir. Var að enda við að horfa á snilldarmyndina Jalla Jalla áðan. Jedúddamíja hvað þetta er æðisleg mynd. Þægileg úthverfasaga frá Svíþjóð með nánast al-líbönsku casti. Er að fara á taugum við að velja mér aukafag. Enska, Latína, Gríska, Íslenska og Borgarfræði koma enn sterklega til greina. Síðan er það náttúrulega alltaf inni í myndinni að taka einungis Heimspeki því mér finnst ég bara hafa rétt dýft tánum í laugina á síðasta ári. Kannski er það besta leiðin því dýpri skilningur á því sem ég er að læra finnst mér vanta. Var að lesa grein hjá muzak um misnotkun yfirmanna á starfskröftum hans. Það er ekki það að ég sé ekki hjartanlega sammála honum um það að yfirmenn á Íslandi geta verið verri en flís innundir nögl, þá bara get ég ekki tekið undir kvartanir á slíku fólki. Ég veit reyndar að í tilfelli muzak er lítið hægt að gera og því vil ég ekki setja mig á móti kveinstöfum hans. Hinsvegar er það svo að þegar um leiðindi og yfirgang er að ræða er viðkomandi yfirmaður oftast millistjórnandi. Það er mjög sjaldan sem að þeir sem dreifa hatri og leiðindum um sali eru framkvæmdastjórar eða forstjórar. Af hverju er þetta svo? Jú, mjög einfalt, forstjórar og framkvæmdastjórar eru tryggir í stöðum sínum á meðan tölurnar sem hluthafarnir sjá eru ekki uggvænlegar, og þarafleiðandi líður þessum ´önnum ágætlega í sínum stöðum, búnir að hafa fyrir því að bíta sér leið upp á við og eru núna að njóta góðs af því. Millistjórnendurnir eru, andstætt framkvæmdastjórunum og forstjórunum, í sífelldri hættu á því að missa starfið sitt í hendurnar á einhverjum yngri og blóðþyrstari, sem væri jafnvel tilbúinn til að fá minna greitt fyrir djobbið bara uppá titilinn: "deildarstjóri fyrirtækjasviðs nyrðra". Þannig eru þeir sífellt undir pressu sem gerir millistjórnendur hrædda og reiða. Þessi pressa er ekki sú eina sem millistjórnendur finna fyrir. Þeir hugsa um það á hverjum degi hvort að leggja mætti starfið þeirra niður þar sem það eina sem þeir gera er orðið svo kerfisbundið að þeir klára dagsverkið á tveim þrem stundum. Eftir það verða millistjórnendurnir eirðarlausir og paranojan kemur í ljós þegar þeir fara fyrsta eftirlitsrúntinn. Heilsa öllum með bros á vör en þegar þeir taka í hendina á manni finnur maður þvalar hendur millistjórnanda sem ekki líður vel. Það sem ég legg til að við gerum öll við millistjórnendurna okkar: Þegar við komum í vinnuna, föðmum þá og hrósum einhverju í fari þeirra, á hverjum miðvikudegi bjóðum við þeim upp á eittsett(eina örugga súkkulaðið) og skipuleggjum deildarferðir í sund. (Millistjórnendum finnst gaman í sundi því munið, venjulegir starfsmenn eru venjulegir vegna þess að þeir líta óvenjulega út(en meira um það síðar). Munið að vera góð við millistjórnendurna ykkar, þeir hafa ekki hugsjón, þeir hafa umsjón.

2002-08-21T03:51:00.000Z

Koooommmmúniiiiistar á Frelsi.is
Allt í lagi stuttbuxnapeyjar á frelsi.is að láta sér detta það í hug að reyna að skora punkta með því að gagnrýna Ingibjörgu Sólrúnu fyrir að hafa komið menningarnótt á laggirnar er ótrúleg misreiknun. Þetta er Atburðurinn í Reykjavík. Jólin og 17.júní eru orðin að smáhátíðum á miðað við þetta. Hvers vegna haldið þið að 80 þús. manns hafi farið á hátíðina? Til að hlæja að heimskunni í R-listanum að vera að sóa skattpeningunum í einhverja ömurlega flugeldasýningu? Er hæfni ykkar í atkvæðaveiðum að engu orðin? Eruð þið svo sárir út í R-listann að þið svíkið eigin sannfæringu með því að rakka niður það sem þið vitið að þið sækist í vegna þess að ykkur finnst það svo skemmtilegt. Þið vitið alveg að ykkar bossar eru miklu verri þegar kemur að þarflausri skattpeningaeyðslu. Hvað kostaði aftur að fá Kommúnistadjöfulinn í heimsókn? Andskotans kommúnistar, djöfull eru þeir orðnir dýrir. Kosta bara miklu meira en flottasta flugeldasýningin á árinu. Nú eruð þið orðnir bestu vinir kommúnistanna?

2002-08-21T03:01:00.000Z

Ég hata að vera veikur. Ekkert fer meira í taugarnar á mér en að hafa ekki orku í einföldustu hluti. Lesa fyrir próf, vaska upp og taka til, bara nokkrir af þeim hlutum sem ég ætlaði að gera í dag en hafði ekki orku í að framkvæma. Nú fer að styttast í starfslok hjá mér í veitingabransanum. Ég vil þakka öllum þeim er ég hefi hellt uppá fyrir viðskiptin og vona að þeir átti sig á hvílíka blessun þeir hafa hlotið, án þess að hrósa sjálfum mér um of. Verði ykkur að góðu. Nú sný ég mér að öðrum hlutum. Það er, hlutum sem ég hef valið mér sem dægradvöl á þeirri stuttu dvöl okkar á jörðu. Var að enda við að horfa á þátt um risasvarthol. Ekkert á jörðinni hljómar nógu stórt þessa daganna. Þau eiga víst að hafa í fullt af sprengingum skapað stjörnuþokurnar. Mér leiðist.

2002-08-16T14:10:00.000Z

Ég hefi minnst á fjáraustur í Verslunarskólann nokkrum sinnum enda ástæða til. Núna þegar kemur að nýju skólaári finnst mér kominn tími til að ýfa upp í þessu gamla sári og spyrja ýmissa spurninga sem brennur á minni medula oblangata (eða þaðan sem reiðin og árásargirnin koma). Fyrst vil ég byrja á því að leiðrétta þann útbreidda miskilning um Verslunarskólann að hann sé einkaskóli. Það er hann ekki. Hann er að nánast öllu leyti fjámagnaður með opinberum styrkjum. Upphæðin sem nemendurnir greiða fer í raun eingöngu í að smyrja ofan á laun þeirra sem vinna þarna til að tryggja það að í Verslunarskólanum séu tekjuhæstu kennarar á Íslandi í Framhaldsskólabransanum. Í sjálfu sér sé ég ekkert áthugavert við það að sumir séu hærra launaðir en aðrir svo lengi sem þeirra framlag til þjóðfélagsins sé meira (ég ætla ekki að skapa einhverja mælistiku á það). Hins vegar á ég erfitt með að átta mig á fyrirkomulaginu og ég gúttera ekki réttlætinguna á því. Sem sagt Verslunarskólinn innheldur ca.1000 nemendur (talan er breytileg eftir árum). Gott dæmi til viðmiðunar er MH sem í dagskóla inniheldur í kringum 900 nemendur og ca. 600 í kvöldskóla. Kostnaður við kvöldskólann er reyndar greiddur að miklu leyti með skólagjöldum eða að einum þriðja. Til að einfalda málin þá skulum við aðeins miða við að nemendaígildi í kvöldskóla séu 200 og þá séu 1100 nemendur í MH sem sæki fullt nám það sem ekki er um fullt nám að ræða hjá fólki í kvöldskóla. Á fjárlögum þessa árs eru framlög til MH 401,6 milljónir króna. Versló er að hirða inn góðar 462 milljónir. Allt í lagi, það eru fleiri í dagskóla hjá Verstlingunum en kommon 60 auka milljónir og það fyrir hvað? Að Stjórn Verslunarskólans geti smurt oná launin sín með námsgjöldunum sínum. Skattborgarinn er að smyrja ofan á eldisstöð fyrir Flokkinn. Gerir það þig ekkert reiðan? Ég er að athuga hvort ég geti ekki kært stjórn verslunarskólans fyrir að bera ábyrgð á hálsbólgu sem ég fékk back in ´96 hlaupandi úti við í 10 stiga gaddi því ólíkt marmarabörnunum máttum við í MH ekki vera inni í upphitaða leikfimisalnum okkar því leikfimisalurinn okkar var bara innihaldslaust loforð síðustu 5 menntamálaráðherra. Bæ ðe vei áætlaður kostnaður við byggingu íþróttahúss við MH er 60 milljónir. Sáuð þið tölurnar fyrir ofan? Hver er mismunurinn??????

2002-08-16T13:31:00.000Z

Samræður við jakkafataklæddann námsmann, sannkallaðan son föður síns.
Jæja er maður bara byrjaður að lesa. Jújú hvað ert þú sosum búinn að vera að gera í sumar já já en áhugavert. Bara að vinna? nú er það ég sem hélt að Vaka væri búin að kippa námslánunum í lag þannig að háskólanemar gætu slappað af og tekið sér viku sumarfrí, ja nú er ég aldeilis hlessa hvað segirðu fórstu til Hollands. Já það hefur verið gaman, þannig að það væsir ekki um þig peningalega. Hvað segir þú? Hefurðu ekki efni á mat? Já en þú varst í Hollandi, ó var þér boðið, ég skil. Ja, það er eins gott að við höfum Vöku við stjórnvölinn áfram, eins og þeir hafa látið hingað til þá á maður jafnvel von á að fá kók í dós gefins á stúdentadaginn. Eflaust pulsu með. Eitthvað hefur nú breyst frá grjónavellingnum í fyrra.

Ég hata strumpa.

2002-08-09T15:27:00.000Z

Nördapróf dauðans
En þar sem við erum öll pínku nörd inn við beinið....þú ert að skoða þessa síðu ekki satt..

I Am A: Neutral Good GnomeRanger Bard

Alignment:
Neutral Good characters believe in the power of good above all else. They will work to make the world a better place, and will do whatever is necessary to bring that about, whether it goes for or against whatever is considered 'normal'.

Race:
Gnomes are also short, like dwarves, but much skinnier. They have no beards, and are very inclined towards technology, although they have been known to dabble in magic, too. They tend to be fun-loving and fond of jokes and humor. Some gnomes live underground, and some live in cities and villages. They are very tolerant of other races, and are generally well-liked, though occasionally considered frivolous.

Primary Class:
Rangers are the defenders of nature and the elements. They are in tune with the Earth, and work to keep it safe and healthy.

Secondary Class:
Bards are the entertainers. They sing, dance, and play instruments to make other people happy, and, frequently, make money. They also tend to dabble in magic a bit.

Deity:
Baervan Wildwanderer is the Neutral Good gnomish god of forests, travel, and nature. He is also known as the Masked Leaf. His avatar is always accompanied by an intelligent, giant raccoon, named Chiktikka Fastpaws. His followers, like him, enjoy the outdoors and work to protect it and guard those who also enjoy it. Their preferred weapon is the halfspear.

Find out What D&D Character Are You?, courtesy ofNeppyMan (e-mail)

2002-08-09T14:59:00.000Z

Jæja
Þá er þetta að verða búið. Er að koma heim á morgun. Þetta sumarfrí var merkilegt á akveðinn hátt. Ég áttaði mig á því hvað mannskepnan gæti framkallað og gert með vinnu og atorkusemi sinni. Landihol er nánast allt saman verk mannana. Við erum að tala um þriðja þéttbýlasta svæðið í heiminum og nánast allt er undir sjávarmáli. Meira að segja síkin í Landihol eru hærri en landið. Allavegana, þá er von á mér um þrjúleytið á morgun og í plönunum er massívt fyllerí með Níels og vonandi Zato(á bara eftir að ná í hann), smá Lagavulin og svo glugg glugg kvennalaust því knusidollan mín kemur ekki heim fyrr en á sunnudaginn. Hamingja!!!!!!!!!!!!

2002-08-08T19:27:00.000Z

Rússíbanar will be the end of me.
Með nöfnum eins og Condor, Superman, Goliath (stærstur í Evrópu) og Via Volta náðu þeir að hræða mig áður en ég kom á staðinn. (tihi) Þegar ég sá þá skeit ég í mig. Ég er svo óreyndur að ég verð bara að játa það að ég hef aldrei farið í rússíbanagarð á ævinni, hvað þá séð þessi ferlíki. En þarna var ég dreginn í dag prumpþunnur með tengdó og knusidollu og dreginn í hvern banann á fætur öðrum. Og ég hef bara eitt að segja: AFTUR

2002-08-08T07:16:00.000Z

AAAAARRRRRRgggggghhhhh æl
Ég er skelþunnur að fara í stærsta rússíbanagarð í Evrópu, man.

2002-08-06T01:17:00.000Z

Amsterdam er syndug. (gaman)
Ég er ennþá í Landihol að leika mér og í dag fórum við sæta stelpa, bróðir hennar og vinur hans til Amsterdam. Þessi borg er merkileg fyrir margra hluta sakir. Þar má fyrst nefna frumlega betlara. Einn leit út eins og uppgjafa skógarhöggsmaður frá norður Kanada með slitið hár og mislitum skóm. Hann otaði að okkur lítilli jógúrtdollu og hristi hana örlítið. Okkur fannst þetta atriði ekki verðskulda peningagjafir því gengum við framhjá og hristum hausinn kurteisislega. Það dugaði ekki og byrjaði hann að elta okkur. togandi í skyrtur´nar á strákunum og hristandi jógúrtdósina. Við ákváðum að flýja frá þessum óða betlimanni inn í búð sem seldi strætómiða. Hann beið fyrir utan. Í fimm mínútur. Þá hættum við okkur út enda búin að kokka upp hið fullkomna plan til að losna við hann. Við mútum honum með peningagjöf og göngum hratt í burtu!! Ég held að það sé hitinn en þetta hljómar heimskulega. Allavegana þá virkaði það ekki heldur. Það eina sem virkaði var að fara inn á fjölmennasta torgið í Amsterdam og losna við hann þar. Þar vakti gullituð ruslafata athygli hans og truflaði eftirförina. Það lá við að ég yrði móðgaður. Annar betlimann var í raun ekki betlimann heldur sjálfstæður atvinnurekandi og hafði verið svo duglegur að hefta saman nokkur A4 blöð og kallaði það túristmepp. Það fyndna við sölutaktík hans var að sölustaðurinn hans var við risastórt kort af Amsterdam á biðstöð. Þegar við vorum búin að átta okkur á því korti kom hann svo og staðfesti við okkur að við værum á réttri leið. Þá byrjaði hann að selja okkur kortið sitt. Hann var reyndar svo skemmtilegur að við keyptum kortið og það á þreföldu verði!!! Seinasti var svo rússi sem spilaði á nanógítar GCD og söng um hvað hann ætti miklu frekar að fá sér vinnu en bara á morgun hihi.. Fórum á annað sexmuseum, allt morandi í þessu, þetta var samt frekar slappt. Til að krydda þetta aðeins upp ákváðum við að fara á lævsexsjóv. Í rauða hverfinu er allt morandi í þessu og eru svona veiðarar fyrir framan hús að reyna að fá mann inn. Síðan þegar maður ákveður að fara inn á eitthvað þá prúttar maður og fær gjaldið lækkað. Maður borgar og er síðan bent á að fara í hús hinum megin við síkið með einhvern snepil. Við ströttuðum fjögur að og var hleypt upp á aðra hæð. Þvílík upplifun að koma inn á svona stað. Svitinn liggur í loftinu, herbergið er eins og míní útgáfa af leikhúsi með fimm bekkjum og pínkulitlu sviði og svo er bar við innganginn á salnum. Sjóvið var nýbyrjað þegar við löbbum inn, á sviðinu er svört stelpa að sína listir sínar með dildo og hvernig best væri að troða honum inn frá sem undarlegustu sjónarhornum. Lokin á þessu atriði áttu að vera þegar hún skyrpti hvítu plastprikinu út úr píkunni og átti að grípa, nema hvað hún skyrpti heldur of fast þannig að hún datt illilega, kraflaði eftir dildo sínum og tjaldið fór fyrir. Annað atriðið var kona um þrítugt sem sýndi nektardans. Það sem kom upp í huga mér á fyrsta andartaki er ég sá þessa hæfileikaríku konu, rafhlöðukanínan frá Energizer. Hún flaug um sviðið í með vélrænum hreyfingum, hræðilegt já hræðilegt nema hvað hún lauk sér af með því að fá sér vindil og blása reyk út um píkuna sína. Ég held að fólk þurfi að vera illa skaddað til að láta sér detta svona hluti í hug. Þar næst kom leiðinlegasta atriðið kona dregur kúlur út um píkuna á sér, Fjórar. Þá var svo komið að því að sjá fólk ríða. Oj Fúlskeggjaður síðhærður feitur gutti um fertugt og álíka gömul útúrsjúskuð kona koma á sviðið Þau klæða sig úr fötunum, gera tvær vélrænar danshreyfingar, hann klappar henni á rassinn eins og verðlaunabykkju og ætla að trúborðast þegar þau átta sig á því að hann er ekki í standi, hún flöffar hann og svo tvær stöður af vélrænasta kynlífi sem ég hef séð á ævinni. Efast um að Arnold gæti matchað þetta. Síðan kom Bananaatriðið. Frægt atriði þar sem áhorfendur verða þátttakendur og borða banana sem settur er í klof stripparans. Það sem gerði þetta að sýningu sem ég mun aldrei gleyma er að Ég og Kristjana ýttum bróður hennar og vini hans upp á svið þar sem áhorfendurnir fengu að skoða nærbuxurnar þeirra og rauð andlit, mjög fyndið. Kominn að rúminu núna fara að sofa. Já eitt enn, fyrir ykkur sem eruð eitt spurningarmerki um Dam, suck & fuck kostar 50evrur. Ekki það að ég neitt sko

2002-08-05T06:08:00.000Z

Ég get ekki sofið vegna flugnabita. Ég storkaði örlögunum þegar ég kom til Landihol með því að lýsa því yfir að ég væri aldrei bitinn. Ég giska á að flugurnar hafi alltaf litið á mig sem fínt Búrgundarvín sem ekki mætti snerta fyrr en það væri orðið nægilega þroskað. Einhverjar þúsundir flugna hjálpuðust að við togun á tappa fyrir viku og það er búið að vera stanslaus kjötkveðjuhátíð síðan. Ég er búinn að reyna allt, já meira að segja að reyna að ímynda mér þær í burtu. Ég er reyndar á því að það hafi virkað að einhverju leyti. En hingað til hefur ekkert virkað nægilega til að ég geti átt einn klórlausan dag. Það er á svona tímum sem ég skil hvað Ísland er mikið gósenland, dýrðarríki laust við mý að mestu leyti nema eitthvað frímerki fyrir norðan. Annars er þetta bara búið að vera með ágætum, mikil afslöppun og sálarleit. Er að hugsa um að feta í fótspor Níelsar og kíkja í pínku rússnesku. Jæja nú ætti hitt fólkið að vera vaknaðzzzzzzzzzz

2002-08-01T07:47:00.000Z

Halló allir
Ég er í Landihol eða hamingjulandi eins og ég vil kalla það af margvíslegum ástæðum. T.d. er ég hamingja vegna Zato (may all your child be masculin) svo er ég líka hamingja vegna þess að ekki er hægt að keyra í Hollandi bara hjóla þó að svoleiði (samansett orð svoleiðis leiði) til marbletta á rassi, hamingja vegna sie sexmuseum, hamingja vegna fallegrar konu memmér hér, hamingja vegna kassa af bjór á þúskall, hér eru grasbúllur út um allt?, hamingja vegna 35 gráðu hita úffffffff, hamingja yfir að losna frá Íslandi á verslóhelgi, ég hata útihátíðir. Ég elska ykkur öll og hafið það nú gott á meðan ég hjóla um götur Landshol.

2002-07-15T00:29:00.000Z

Ég held að ég lykti illa?
Var að koma heim úr sumarbústaðaferð sem upprunalega átti að verða svaka partý. Ég tók tjald með svona til öryggis ef skyldi vera að svefnplássi skyldi verða áfátt. Þegar við vorum svo komin í bústaðinn þá voru nánast allir búnir að afboða sig sem ætluðu að koma með. Sumir héldu reyndar vonarneista í hjörtum okkar lifandi, um að þeir myndu nú hysja upp um sig brækurnar daginn eftir (laugardag) og bruna niðreftir. Þannig var fyrsta kvöldmáltíðin étin með hugann við hvað það yrði nú gaman þegar allir kæmu og þá yrði sko partý. Snemma fyrsta kvöldið var ég meira að segja byrjaður að hafa áhyggjur af því hvað ég hefði tekið lítið áfengi með, en Jósi, hvers foreldrar eiga bústaðinn, róaði mig niður með því að hafa samband við vin sinn og bað hann um að koma við í ríkinu áður en hann leggði af stað á laugardagsmorgun. Um tíuleytið áttuðum við okkur á því akkuru enginn væri kominn. Það var svo erfitt að ná í símana okkar, auðvitað. Þannig að við þeystum upp í skála þar sem sími þeirra var misnotaður í símtöl til fullra Reykvíkinga í Reykjavík til að útskýra fyrir þeim að við værum í Stuttarbotnum 17 ekki nítján eins og stæði á skiltinu. Skelltum okkur svo í pottinn og spiluðum Gettu betur heldur betur en Reynir Pétur. Ég vaknaði svangur og þyrstur á laugardagsmorgun og illur grunur læddist að mér, skyldi vinur hans Jósa hafa gleymt að ná í bús handa okkur? Við borðum morgunmat og hefjum síðan örvæntingarfulla tilraun til að sannfæra þau sem ekki höfðu komið á föstudaginn hversu vel við skemmtum okkur og að það væri allt í lagi að þau afboðuðu sig. Við vorum alveg fullfær um að skemmta okkur sjálf. Hver þarf svo sem á vinum að halda. Skemmtum okkur vel við að láta glyrnurnar stara á hraun frussa, kletta merja á og borga offjár til að skoða plaggöt í Reykholti (safn hvað?). Síðan lékum við okkur lömbin þrjú í hottinpottin og gerðum flöskur og dósir að fallegum og indælum sundlaugarleikföngum. Svengdin tróð sér inn á okkur um miðnætti og upphófst sú lengsta tilraun við grillskap sem ég hef tekið þátt í. Það var alltaf eitthvað að kolunum og síðan var olían ekkert að virka heldur. Til að gera langa sögu stutta borðuðum við kvöldmat klukkan hálf-fjögur um morguninn og fórum síðan að sofa. Þegar ég vaknaði var ég dauðslifandi feginn að þetta pakk hafði ekki komið með fleiri einingar af eldvatni því þá hefði ekki verið svona gott að vakna. Einnig var ágætt að við Kristjana sátum ein að öllu loftinu sem svefnstað, gott ef ég heyrði ekki bergmál hrota minna líða um loftin eins og þröstur í lautu. Eftir morgunmat áttaði ég mig á því að við værum ekki langt frá Surtshelli og heimtaði ég að fá að kíkja oní holuna og dró ég hin tvö með mér eins og lítill drengur í stórmarkaði sem hefur áttað sig á því hvað þarf til að næla sér í sleikjó. Surtshelli skoðuðum við og einnig íshelli sem er eins og dropasteinshellar, nema þessir dropasteinar voru gerðir úr klaka (meget sjovt). Eftir þessa ferð var kominn tími til að halda heim og sannfærði nánösin hann ég hitt fólkið að það væri náttúrulega rán að fara í gegnum göngin og borga að jafnvirði tveggja bjóra fyrir það. Miklu sniðugra væri að fara einhverja ófæra ófæru sem færi með bílinn minn eins og gamla konu í nuddpotti. Ég hef reyndar aldrei séð gamla konu missa auga úr tóftunum sem er það sem kom fyrir bílinn minn, hékk eitt ljósið út úr ljóstóftunum? hálfa leiðina þar til ég áttaði mig á því og leitaði um allan bíl að einhverju til að festa það með. Jósi lék í því efni bjargvættinn mikla og dró fram heftiplástur úr fyrstu hjálpar tösku frænku hans og þannig staulaðist Bíllinn minn í bæinn. Næst þá verður sko partý....plís.

2002-06-24T03:52:00.000Z

Fjandafnykur
Nú hlýtur að vera gaman að vera hugmyndahóra. Hvert stórmálið á eftir öðru sem búið er að fullmóta skoðun hvers og eins á. Rosa þægilegt að vera maður eins og Guðlaugur Þór og allir stuttbuxnapeyjavinir hans maður. Mig langar samt til að vita eitt. Þegar þessir guttar dressa sig upp í kamóflasarmanijakkfötin með felulitabindinu og sveipuðu sig gulum borða hringdu þeir á undan í Hannes eða Davíð og spurðu um leyfi? Finnst engum þetta gruggugt nema mér? Þessir menn.. strike that, stráklingar hafa aldrei sagt neitt né gert neitt án fulls umboðs frá æðstaráðinu og aðalritaranum. Allt í einu skipa þeir sér svo í fremstu víglínu með anarkistum(þó sú ósk hafi komið frá þeim að anarkistarnir ættu nú bara að hypja sig því þeir ætluðu að redda málunum) og kommadjöflum... úti á götu, æpandi slagorð gegn stjórninni. Ég er í sjokki. Allan þann tíma sem ég hef eytt í að reyna að fá vinstri menn út í mótmæli gegn hinum ýmsu vitleysum og átroðkunum yfirvalda hefur það gengið mjög brösuglega. Annað hvort eru menn of skakkir eða á Kúbu í sykurreyrtínslu og utan við þjónustusvæði. Allan þennan tíma hefur mér yfirsést þessi stóri hópur manna sem gæti nýst vel við skipulagningu og framkvæmd á mótmælum. Var ekki einhver að tala um fyrirtæki sem sérhæfði sig í mótmælum fyrir félagasamtök. Nei andskotinn hafi það að ég láti mig sjást með þessum andskotum. Megi þeir rotna í vínkjöllurum feðra sinna. Nú spyr ég aftur. Finnið þið fýlu af furðulegum fjanda (vantar betri þýðingu=smell a rat)? Svar óskast á gudinnbragi@hotmail.com

2002-06-21T01:04:00.000Z

Ákall gegn kúgun!
Stundum hef ég gífurlega rangt fyrir mér. Ekki oft, en stundum. Eftir síðustu grein sem ég skrifaði hef ég verið að velta því töluvert fyrir mér hvort að komin sé í gang atburðarrás sem muni fella þessa fasistastjórn D.oddsonar. Ennþá er ákveðinn doði hjá fólki til staðar eftir atburði síðustu daga, en betri vakningu getum við sem viljum allt gera til að steypa D af stóli ekki fengið. Það eina sem við þurfum að gera er að dusta rykið af málfærunum og byrja að kyrja og veina, öskra og æpa gegn harðstjórninni. Annað get ég ekki kallað D.oddson og félaga og ég legg til að þeir sem lesa þetta geri það sama. Ritum bréf í blöð, blogg og tímarit. Flytjum pistla í útvarpi og sjónvarpi. Sannfærum félaga og frændur með leiftrandi röksnilld og orðagjálfr. Höldum útifundi og förum í göngur, marserum með fána og veifur og fallega borða. Félagar, tíminn er kominn til upprisu. Ó er á tali? Hringdu þá seinna!!!
Ísland ögrum skorið,
ek vil elska þig,
en aðeins án Davíðs,
gerðu það fyrir mig.

2002-06-19T16:23:00.000Z

Við nálgumst endinn á lýðræðislegri þróun og gerum það hratt. Um leið og einhver byrjaði að segja okkur að við byggjum í lýðræðislegu landi sem stjórnað væri af fólkinu þá fóru Íslendingar í verslanir og keyptu sér vídjó og önnur heilaþvottartæki. Núna er þróunin afturkræfa byrjuð. Ég bara vonaði að hún myndi ekki láta sjá sig svona hratt. Með aðgerðum stjórnvalda í öllu Falun Gong málinu þá sýndi hún og sannaði að hún væri jafnoki kínversku stjórnarinnar í mannréttindamálum og í því að níðast á eigin þegnum. Ég ætla ekki að fara að rekja öll þau mál sem komu upp á síðustu dögum en ég ætla að benda á þann punkt í málinu sem hefur verið mér hugleikinn í nokkur ár. Þetta er ábyrgð íslenskra stjórnmálamanna á gjörðum sínum. Eftir öryrkjamálið þá ritaði ég grein þar sem ég spáði því að innan mánaðar myndi fólk meira eftir því að Ingibjörg Pálma féll í ómegin fyrir framan Össur en þeim grófu brotum sem ríkisstjórnin sem nú situr enn framdi gegn öryrkjum í þessu landi. Spádómur minn reyndist hárréttur og þetta mál er gleymt og grafið og jafnvel er sussað niður í manni þegar reynt er að koma höggi á stjórnina í rökræðum. Það er semsagt búið að fyrirgefa stjórninni misgjörðir sínar og gott ef framsókn mælist ekki hærra nú en nokkru sinni fyrr. Enginn tók ábyrgð á öryrkjamálinu og treystið mér enginn mun missa djobbið sitt útaf því að einhverjum ofsóknum á hendur Falun kong (voru þeir ekki líka vondu gaurarnir í Platoon). Hvað þá útaf einhverjum kommum sem var ekki leyft að mótmæla í friði, trúiði mér enginn veit það betur en ég. Eftir ár verða þingkosningar á Íslandi. Eftir ár tryggir Davíð Oddson sér forsætisráðherradjobbið í fjögur ár í viðbót og á miðju næsta kjörtímabili mun Lútherstrú verða bönnuð á Íslandi vegna hættulegra áhrifa hennar á sölu getnaðavarna í landinu.

2002-05-27T15:48:00.000Z

Réttlætinu hefur verið fullnægt...F
Varnarsigur fyrir Flokkinn...D
Þjóðhetja á meðal vor...R
Hvað höfum við gert til að verðskulda vitleysishátt fjölmiðla og upphrópara stjórnmálamanna. Eftirmæli kosninga eru alltaf það sem grætir mig því venjulegast hefur blómsveigurinn fallið á leiði vinstrimanna og mikil hefur sorg mín verið vegna fullvissu minnar um að Flokkurinn geti varla leitt neitt gott af sér. En á laugardaginn kættist ég og varð glaður og ánægður... Loksins loksins. En ég skrifa aldrei til að kætast og ætla ekkert að fara að byrja á því núna. En hvað er það sem angrar mig svo. Jú það er nú einmitt þessi eftirmæli sem hafa kætt mig og nú sem sagt, grætt. Við erum að skríða út úr sveitarstjórnarkosningum á Íslandi, þetta er lítið land og við köllum okkur siðmenntaða þjóð. Samt er það eins og að þegar það kemur að pólitík að skítkast er leyfilegt aðeins úr einni átt. Hægri. Þingmenn, ráðherrar og hvað sem þau heita öllsömul Flokksins hafa varla undan við að kúka þeim skít sem þau henda í allar áttir þau þrjú ár og níu mánuði sem fólk er ekki undirlagt kosningaáróðri. Og fórnarlömb afturendaúrgangsins eru ekkert endilega kommar og hommar heldur líka aldraðir, öryrkjar og aumingjar sem nenna ekki að vinna. Nú er ég ekki að skrifa þetta til að lýsa því yfir hvað ég sé afskaplega sár og svekktur yfir þessu heldur er annað að krauma undir niðri. Afhverju í ósköpunum þurfum við sem erum í stöðugri baráttu við þetta fólk að vera svona andskoti siðmenntuð og prúð. Mér finnst það bara ósanngjarnt að einungis Flokksmenn skuli hafa einkarétt á þessu sulli en svo virðist sem að séu þeir slegnir utanundir með úrgangsepli sé um leið komin forsíðugrein á moggan um sadistadjöfulinn hann Össur sem hefur svona góða heyrn eða er of feitur til að átta sig á að blása lífi í Ingu Pálma common ... En það verður víst ekkert við þessu gert stefnan hefur þegar verið tekin, við erum öll aumingjar
Please sir can I have another

2002-05-16T17:00:00.000Z

Ég er búinn að vera veikur núna í smá tíma og mér finnst það ekkert gaman. En ég er miklu minna veikur núna og er það betra. Jammm. Allavegana, þið sem horfðuð á Silfur Egils um helgina og opnuðuð augun, þá er hér smá linkur fyrir ykkur, njótið.

2002-05-07T16:28:00.000Z

Fyrir ykkur sem ekki hafa gaman að pólitík má ég benda ykkur á að mér finnst heldur ekkert gaman að borga fjörutíu prósent skatta. Hvað þá að borga fjörutíu prósent skatta og þurfa að sætta sig við að menn sem eru í harðri andstöðu við það sem ég álít vera gott og skynsamlegt séu að eyða þessum peningum í misheppnaðar einkavæðingar og partí.

Ég hélt í vitleysu minni einhvern tíma að Verslunarskóli Íslands væri einkaskóli og því sem slíkur væri ekki á spena ríkissjóðs. Ég hélt að þessi auka pjéníngur sem synir og dætur eignamannanna dygði fyrir rekstri skólans fimmtíuþúsund eru svo margir pjéníngar fyrir fjórtán ára gemling. Auðvitað var ég leiðréttur og mér var sagt að ríkið borgaði auðvitað laun kennaranna. Ó, það er þá allt í lagi. Mér leiddist mikið í dag og ég fór að leita að heimasíðum sem voru að láta sér leiðast álíka mikið og mér og ég fann eina stórskemmtilega, fjárlögin eru á vefnum og ég ákvað að scrolla yfir menntamálin. Þar stoppaði ég á fjárhæðunum sem ausið er í Verslunarskólann og svitnaði. Í Versló er eytt 463,5 milljónum á ári á meðan í MH er árgjaldið 407,5. Afsakið að mér finnist þetta vera hneykslanlegt. Ekki nóg með það að “eigendur” Verslunarskólans ofrukki nemendurna heldur er ríkið tekið í rassgatið líka. Í MH eru að meðaltali skráðir 900-1000 nemendur í dagskóla og 500-600 í kvöldskóla, semsagt að meðaltali 1500 nemendur ári en í Versló í kringum 900 í det hele. Eða við getum reiknað pínku og þá sjáum við að ríkið eyðir 515000 kr. í hvern nemanda í Versló en aðeins 368000 kr í nemandann ef hann gengur í MH. Mér finnst þetta ekkert eðlilegt. Að ríkið sé að niðurgreiða rekstur einkafyrirtækis svona gríðarlega þegar það hefur sýnt með t.d. MH og MR að það er fullfært um að sinna þessum þörfum markaðarins fullkomlega.
Hvað átti annars íþróttahúsið í MH að kosta??? svar=60 milljónir.
URRRRRRGGG

2002-05-01T21:43:00.000Z

Það er kalt uppi á valdsmannshæð.
Maður á mann.
Einn leik í einu.
Verðum að spila þetta eftir bestu getu.
Það er okkar siðferðislega skylda að framylgja þessu af ýtrustu nákvæmni.
Þeir gerðu sitt besta.
Nei það er rigning.
Það var nú gott.

Próf á morgun.

2002-04-29T17:10:00.000Z

Jibbí Zato er MAÓ Ég er

By dictator standards, you're not that bad. Sure you almost started world war 3, but the treatment of your people is moderate. You're a saint compared to the guy before you that you kicked out, so your people tolerate you. However, you're ability to stand up to America has made you one of the more popular dictators. Hardly a movie star… but hay, it's a start!

What tin-pot dictator are you? Take the "What Dictator am I?" test at PoisonedMinds.com

2002-04-28T21:27:00.000Z

Gaman að heyra gaman að sjá smá kvikmyndapúsl: ...me and my dream of doing nothing... auðvelt en svo kemur önnur ...ya wanna make fourteen dollars the hard way... Dáldið auðvelt en samt...

2002-04-28T21:19:00.000Z

Afhverju á ég svona erfitt með að einbeita mér. Lýsi hér eftir ráðum, ekkert brútal takk bara fallegum zen hugmyndum um einbeitingu. P.S. Ef Björn Borg vinnur verður ekki hátíð í hamingjulandi. :(

2002-04-27T23:56:00.000Z

Ekki hef ég hugmynd afhverju en ég hef áttað mig á því meir og meir hvað það er óþægilegt að læra á daginn. Ástæðan fyrir þessu gæti náttúrulega verið sú að ég hef öðlast nýja trú á afþreyingarmiðlum og nýti þá óspart til tilgagnslausra athafna. Einnig held ég að einhver ætti að byrja að framleiða kassalagaða kleinuhringi, bara svona til að vera í mótsögn við sjálfan sig og hverfa.

2002-04-26T14:27:00.000Z

Hálsinn næstum kominn í lag. Ég var að átta mig á því hversu æðislegt heimspekinemafólkið er. Það er nú gott.

2002-04-25T19:09:00.000Z

Ég hnerraði í dag. Þessi hnerri hefur haft þær afleiðingar að ég er núna horfandi til vinstri og get ekki snúið hausnum. Asnalegt.. Allavegana þá kom kærastan hans Sigga hún Kisa í heimsókn og reyndi að fixa mig en þetta fer víst ekki nema á nokkrum dögum. Klemmd taug takk fyrir. Bið ég þá frekar um Man utd syndrome, brotinn ökkla. Ég er búinn að lesa of mikið af siðfræði að undanförnu. Ég er hræddur um að kennarinn minn í siðfræði fái hálfgert taugaáfall þegar hann les svörin í prófinu sem ég er að fara í. Síðan er svona ein pæling að búa um sig. Af hverju hafa Íslendingar ákveðið að parket væri sniðugt gólfefni. Það er meira að segja bisness í parketbransanum á veturna þegar flísarnar fjúka upp undan sandbornum skóm gemlinga og gesta. Þeir sem skilja skilja og þeir sem ekki, go ahead buy a parket.

2002-04-25T02:11:00.000Z

Tveir reiðustu menn himingeimsins á reiður

2002-04-24T12:53:00.000Z

Zato spyr 37 in a row. Guðinn svarar hmmmmm Clerks djíng djíng

2002-04-23T17:31:00.000Z

Ég söng We are the world á meðan Josi

2002-04-22T16:08:00.000Z

Það er snjókoma í landi lýðræðis. Bylur hefur blossað upp og það er upp á litlu dýrin sem norpa komið að stöðva vindinn. Frakkar eru búnir að kjósa yfir sig og þurfa að fara í lýðræðislegar æfingabúðir. Uppgangur fasisma í Evrópu er orðinn að raunveruleika. Það er líka kominn tími til að við hættum að kalla þessa kalla einhverjum gælunöfnum eins og þjóðernissinna og hægri öfgamenn eða uppáhaldið mitt, föðurlandsvini, og tökum upp gamla orðið sem dilkaði þá inni. Fasistar og Nasistar eru sveimandi um tún og gresjur, vínakra og skíðasvæði, mjólkurbú og borgir og umburðarlyndi hefur um leið verið urðað í Nablus og Jenín. Á Ítalíu ríkir maður sem er svo rosalega hæfileikaríkur að honum finnst ekkert mál að stjórna öllum einkareknum fjölmiðlum um leið og hann dundar sér í embætti bæði forsætisráðherra og í frístundum utanríkisráðherra. Í Austurríki býr Jörg Haider sem hefur verið líkt við H(a)i-tl-(d)er og í Danmörku er hún Pia sem lofar að burt munu útlendingar flýja. Noregur elskar Hagen enda kann hann að einangra útlendinga í hverfum þar sem flest húsin eru ekki hæf til búsetu rotta. Á meðan kvörtum við Íslendingar undan Davíð og hans skósveinum. Á ekki að fara að skylda útlendinga til að skrifa eina ævisögu áður en þeir fá ríkisborgararétt?

Ó, hve létt er þitt skóhljóð....

2002-04-21T15:59:00.000Z

Ég var að lesa alveg snilldarlega grein sem ég verð að hvetja alla til að lesa. Loksins einhver sem skrifar skemmtilega um þetta.

2002-04-19T14:18:00.000Z

Jibbí ég er orðinn verðmætari í dag en í gær. Ég fékk launahækkun vúhú. En síðan þurfti ég endilega að byrja að spökulera í afleiðingum launahækkana á fólk og ég áttaði mig á því að fyrir utan flugvélar og kanadíska sjómenn eru launahækkanir það sem ég hræðist mest. Þetta útskýrist allt útfrá vinnusiðferði mínu. Þegar kemur að námi og öðru slíku sem mætti teljast til akkorðs þá má ekki búast við miklu af mér vegna ótrúlegrar hæfni í að fresta öllu fram á síðustu stundu. En í vinnu þar sem borgað er samkvæmt tímakaupi þá er hægt að finna í mér einhvern óskiljanlegan mátt til að skara fram úr. Þetta hefur valdið mér miklum bakverkjum, tognunum og fleiri kvillum í gegnum tíðina. Þegar ég hef hlotið hrós, klapp á bakið eða eins og nú launahækkun þá hef ég aukið metnað minn að sama skapi. En núna er ég ekkert svo viss um að ég hafi neitt meira að keppa að í mínu fagi og því finnst mér eins og að ég sé orðinn vísitölubundinn í hvert skipti sem ég hækka í launum. Síðan má náttúrulega spyrja sig hver er ég að kvarta yfir launahækkun þegar þúsundir Íslendinga lifa undir fátæktramörkum... sukk

2002-04-19T14:01:00.000Z

Mér finnst gaman að vera í návist fólks. Ég held að flestir séu sammála mér í því. Það er gott

2002-04-17T13:28:00.000Z

Jæja kæru Grafarvogsbúar er ekki komið nóg af veseni frá ykkur í bili. Í ljósi fjölmiðlaumfjöllunar um hugsanlegt framboð Grafarvogs í borgarstjórnarkosningunum í vor, vesen útaf deiliskipulagi, rimahverfisútigangsbarna og sífelldra undirskriftasafnanna finnst mér kominn tími til að slá aðeins á puttana á ykkur.
Í fyrsta lagi finnst mér alveg fráleitt að formaður íbúasamtakanna hafi íhugað framboð. Af hverju? Jú vegna þess að það að nota íbúasamtök sem leið til að koma sínum eigin flokki sem rær lífróður í borginni til góða er náttúrulega algjörlega siðlaust og ótækt. Undirskriftasafnanir vegna hinna ýmsu mála virðast vinsælli í Grafarvogi en á öðrum stöðum á landinu. Nú síðast vegna einhverrar Landssímalóðar sem er stödd þarna upp í óbyggðum. Nú veit ég ekki hver er hvatinn að þessari stöðugu þörf Grafarvogsbúa til kvartana því mótmæli getur maður nú varla kallað þessi kvein húsmæðra. Ég tel mig samt hafa fundið út örlitla ástæðu fyrir öllu þessu og ef mér skjátlast ekki er þarna um að ræða öfund út í Breiðholtsbúa. Ekki yfir neinu smáræði nei, heldur vegna Mjóddarinnar. Þó að þjóðfélagsvandamál í Breiðholti séu fleiri en á nokkrum stað á landinu þá er eins og að Mjóddin hafi virkað eins og snuð í kjaft kvartsamra Breiðhyltinga. Þar geta þeir eytt örorkunni og atvinnuleysisbótunum í bíó og keilu og jafnvel grætt krónurnar aftur í spilakassanum í bónusvídjói. Þetta er greinilega eitthvað sem vantar í Grafarvogi og legg ég til að valtað verði yfir pasteldrauminn hennar Völu Matt og byggð verði álíka skemmtanamiðstöð fyrir Grafarvog líkt og Mjóddin er fyrir Breiðholt.

2002-04-16T14:51:00.000Z

Hann zato minn er búinn að vera svo elskulegur að hjálpa mér að hátéemmella að ég bara varð að prófa, og hér er hann galdrakallinn minn líka

2002-04-16T13:44:00.000Z

Í dag var ég að endurnýja kynni mín við hljómsveit sem kom til Íslands fyrir ca. 7 árum, Atari Teenage Riot. Ekki það að þessi grein eigi að vera einhver lofgrein um þessa ofurkröftugu hljómsveit en ég gat ekki annað en tekið eftir því hversu mikil pólitík var í lögum þeirra. Ekki að mætti greina þarna tilvísanir í stjórnarsáttmála Evrópusambandsins heldur trönuðu þau skoðunum sínum fínt vel á framfæri. Á ófínna máli mætti segja að þau hafi blastað skoðunum sínum í eyrun ykkar. Með laginu hedzjacht auf naziz(er ekkert rosa öruggur um stafsetninguna) má til dæmis finna... þarf að útskýra? Nú sjö árum seinna sjáum við Nelly Furtado og Destinys Child taka sig saman og syngja saman eitt lag með einhverri gommu af rob köllum og konum til styrktar og við hugsum “en hvað þetta eru góðar manneskjur og hlaupum út og kaupum plöturnar þeirra. Þetta er svolítið sem fékk mig til að hugsa um hvar væri hægt að finna aðrar hugsanir og skoðanir á lífinu og tilverunni í textum tónlistarmanna en þær sem miðast að því að finna sér kall sem á að borga gluggaopóstinn og hvort sú sem syngur sé stelpa lengur eða búin að breytast í unga konu. Ég áttaði mig á því að slíkt er ekki auðvelt að finna nema kannski á Írlandi sem virðist eitt vesturlanda hafa gommu af hugsandi tónlistarfólki. Meira að segja á Íslandi er lítil gerjun í hugsunum tónlistarmanna, við erum allt of upptekin við “stelpukvöld” og við að fara “upp með hendur” til að nenna að gefa skít í einhvern Bubba sem finnst greinilega ekki nægilega merkilegt að “vera þá farinn”.

2002-04-15T18:26:00.000Z

Nú er ég búinn að vera á netinu í nokkrar mínútur og ég finn fyrir breytingu. Eitthvað innra með mér segir að hér muni ég vera glaður og góður. En síðan man ég tilgang þessarrar síðu og það er að gera það sem Keflvíkingar gera um helgar, nema hvað ég er aumingi, ekki eins og kebblingar, sterkur og stór. Allavegana frábærar 8 mínútur. Bless í bili.

2002-04-15T18:19:00.000Z

Jæja, nú er guðinn kominn á blogginn. Jibbí. Húrra. Það var nú gott. Vona að einhver fagni, þarf ekkert að vera strax má bara vera bráðlega en samt gott. Jæja best að segja frá því. Bless í bili.